O pagamento sería polo uso e xestionaríase por unha aplicación
24 may 2019 . Actualizado ás 10:58 h.O carsharing, unha proposta de uso de vehículos compartidos no que os condutores teñen a opción de coller un coche a través dunha aplicación móbil e usalo sen preocuparse do pagamento do aparcadoiro sempre que deixe nunha zona determinada é a proposta que lanza Cidadáns da Coruña para desconxestionar o tráfico na Coruña e mellorar a sustentabilidade. Propón unha flota compartida de vehículos eléctricos polos que os veciños pagarán só polo tempo de uso. Este sistema xa funciona noutras cidades como Madrid, Bilbao ou Sevilla.
Outra das propostas que lanza a formación laranxa é a potenciación da bicicleta, para a que propón realizar unha nova planificación do modelo, tras un exhaustivo estudo, «fuxindo de solucións chafalleiras e a curto prazo»
Cidadáns tamén ve necesario crear un Consorcio Metropolitano de Transportes, que velaría polas concesións urbanas e interurbanas de buses e elaboraría o mapa de rutas.