Charlas, talleres de cociña para nenos e maiores e marchas populares sensibilizan sobre o control da diabetes
14 novs 2018 . Actualizado ás 11:32 h.A diabetes, unha enfermidade da que só en Galicia se diagnostican 25.000 novos casos cada ano, centra esta semana diferentes iniciativas. Todas perseguen sensibilizar sobre a importancia non só de previr que os niveis de azucre en sangue superen o saudable, senón tamén a necesidade de avanzar no control e tratamento dunha enfermidade que tamén afecta os nenos e que condiciona a súa calidade de vida.
Hoxe mesmo, ás 19.00 horas na Fundación María José Jove, a doutora Teresa Martínez, xefa de Endocrinoloxía do Chuac e directora de InDiabetes, ofrecerá unha conferencia de entrada libre sobre os últimos avances no tratamento, repasando tanto a evolución farmacolóxica, como o desenvolvemento tecnolóxico aplicado a esta patoloxía e o estado de terapias curativas como o transplante de illotes pancreáticos e o tratamento con células nai.
Tamén hoxe (11.30), o Club de Leóns de Oleiros leva a cabo una andaina pola senda do Balcón de Maianca para sensibilizar sobre a importancia do exercicio físico no control da enfermidade.
Casa da auga
A fin de semana, o epicentro das actividades trasladarase á Casa da auga. Alí, o servizo de Endocrinoloxía do Chuac e a Sociedade Galega de Endocrinoloxía e Nutrición, en colaboración co servizo de Pediatría do Teresa Herrera, levarán a cabo un programa especialmente deseñado para as familias. A partir das 17.00 horas, haberá inchables e xogos para os nenos, que tamén poderán gozar de talleres de cociña saudable para nenos e adultos, degustación de petiscos con información nutricional e unha exhibición de cans adestrados.
O domingo, ás 11.30 horas sairá da Casa da auga a terceira Marcha pola Diabetes ata a fonte dos surfeiros. Os interesados poden inscribirse en contacto\