A carga ilegal foi interceptada saíndo pola porta de San Diego nunha furgoneta con destino a Matoshinhos
18 ago 2018 . Actualizado ás 11:40 h.Efectivos do servizo marítimo provincial da Coruña interceptaron esta pasada madrugada, na saída de San Diego do porto da Coruña, unha furgoneta con matrícula portuguesa, a cal transportaba un total de 100 caixas de sardiña cun peso total de 1.521 quilogramos con destino á localidade de Matosinhos (Portugal).
Ao non portar o condutor documento algún relativo á trazabilidade do peixe, os axentes procederon á súa aprehensión e a tramitar a denuncia por unha infracción á lei 11/2008 de pesca de Galicia. As sardiñas foron entregadas ao Banco de Alimentos da Coruña.