O cinto de campión de España da modalidade continuará vacante polo momento
09 oct 2017 . Actualizado ás 12:35 h.O cinto de campión de España de peso mosca continuará vacante polo momento, despois de que o enfrontamento entre o galego Moncho Mirás, de PlanasBox, e o grancanario Aramis Torres nas Palmas rematase cos xuíces ditando combate nulo.
Moncho Mirás comezou dominando, e chegou a tombar a Torres no cuarto asalto, pero o insular se rehízo e finalmente o ditame dos xuíces deixará a resolución desta categoría para unha cita posterior entre ambos, na que se podería engadir o título da Unión Europea.