Morre un mozo galego en Malta, o Congreso aproba renovar o consello de RTVE, os presos independentistas chegan ás prisións catalás, Rosell recoñece comprar un fígado ilegal para a operación de Abidal e outras noticias que deberías saber a tal hora
04 jul 2018 . Actualizado ás 22:41 h.Foi noticia
MORRE UN MENOR DE VIGO QUE ESTABA DE VACACIÓNS EN MALTA
O mozo Fabio Soto, de 17 anos e xogador do Coruxo Fútbol Club, faleceu tras precipitarse por un barranco na costa do pobo pesqueiro de Marsaxlokk, en Malta, onde se atopaba de viaxe de lecer cos seus compañeiros de clase tras rematar o curso. Soto desaparecera este martes ao caer na zona, onde se iniciou un dispositivo de procura. O cadáver do mozo galego apareceu no fondo do mar ao día seguinte.
O CONGRESO APROBA RENOVAR O CONSELLO DE RTVE
Por só un voto de diferenza, o Goberno logrou aprobar no Congreso a renovación da corporación de RTVE. Os candidatos foron pactados por PSOE, Podemos e PNV. A cámara votará a próxima semana ao novo presidente do ente público, para o que se postula o actual director de Radio 3, Tomás Fernando Flores. Tamén se votou para o Consello a Rosa María Artal, Cristina Fallarás ou Juan José Baños Linaz.
Os PRESOS INDEPENDENTISTAS INGRESAN EN PRISIÓNS CATALÁS
Junqueras, Romeva, os Jordis, Forcadell e Bassa instaláronse xa nos cárceres cataláns onde continuarán cumprindo condena. O vehículo das dúas políticas independentistas foi o último en facelo, tras abandonar esta mañá a prisión de mulleres de Alcalá de Henares, en Madrid. Os tres primeiros ingresaron no cárcere barcelonés de Brians 2, mentres que Forcadell e Bassa fixérono na xerundense de Puig de lles Basses.
A frase do día
Fálase de...
Rosell recoñece a compra dun fígado ilegal para Abidal
O exjugador do Barcelona someteuse a un transplante hepático en 2012 grazas ao órgano que, supostamente, dooulle un primo. O entón presidente da entidade recoñece a compra dun fígado ilegal.
Como e a quen afecta a entrada en vigor dos novos orzamentos
As novas contas expoñen medidas como as subidas aos pensionistas e aos funcionarios, a ampliación do permiso de paternidade ou a redución do IVE do cine. Entrarán en vigor este xoves.
Aos lectores tamén lles interesou