A renuncia de Rajoy ao seu escano, tres mortes en estradas galegas, a decisión do Goberno de devolver aos inmigrantes o dereito á sanidade e outras noticias que deberías saber a esta hora
15 jun 2018 . Actualizado ás 21:47 h.RAJOY DEIXA O seu ESCANO E PIDE O seu REINGRESO COMO REXISTRADOR
O expresidente do Goberno e aínda líder do Partido Popular, Mariano Rajoy, presentou este venres un escrito de renuncia á súa acta de deputado no Congreso, do que formou parte de forma ininterrompida desde as eleccións xerais de 1989. O PP tamén informou de que, en canto estea formalizada a súa baixa, Rajoy pedirá o seu reingreso no Corpo de Rexistradores da Propiedade. O expresidente ten a súa praza en Santa Pola (Alacante).
catro MORTOS EN ACCIDENTES EN ALLARIZ E en LA FRONTERA con asturias
Un home de 30 anos faleceu este mediodía nun accidente de tráfico na A-52 á altura do municipio de Allariz. Dúas horas despois, pasadas as catro da tarde, producíase un sinistro aínda máis grave na fronteira entre Galicia e Asturias, nunha estrada que zizaguea entre as dúas comunidades á altura do municipio asturiano de San Tirso de Abres. Tres traballadores dun taller mecánico desta localidade de 23, 31 e 35 anos morreron ao chocar de fronte contra un camión. Un deles era da Pontenova, en Lugo, e os outros dous dos municipios asturianos de Vegadeo e Castropol.
Os INMIGRANTES VOLVEN A Tener DEREITOS A La SANIDADES
O Consello de Ministros aprobou na súa reunión de hoxe devolver ao Sistema Nacional de Saúde (SNS) o seu carácter de universal, o que suporá que todas as persoas que vivan en España, con independencia da súa situación administrativa ou a súa orixe, terán dereito á sanidade. O Goberno socialista revogará así o real decreto do Executivo de Mariano Rajoy que no ano 2012 deixou sen cartón sanitario a uns 800.000 inmigrantes que se atopaban en España en situación irregular. «Isto é unha cuestión de decencia política, pero non só; esta protección á saúde é, ademais, un mandato de todos os organismos internacionais», sinalou a portavoz do Goberno, Isabel Celaá. O novo decreto aprobarase no prazo de seis semanas.
A frase
Fálase de...
Cristiano acepta dous anos de cárcere por fraude fiscal
Cristiano Ronaldo chegou a un acordo coa Xustiza española para saldar as súas contas con Facenda. O xogador portugués aceptou unha pena de dous anos de prisión e o pagamento de 18,8 millóns de euros por catro delitos fiscais.
O persoal de Apple poderá traballar de pé
O CEO de Apple anunciou que todos os traballadores da compaña disporán de mesas para traballar de pé porque, segundo argumentou, os médicos consideran que «sentarse é o novo cancro».
Aos lectores tamén lles interesou
