La Peña Piño Quiroga, a máis antiga do club, celebrará o día 15 o seu décimo aniversario
CDLUGO
La Peña Piño Quiroga, a máis antiga do CD Lugo, celebrará o próximo día 15 de decembro sábado a festa do seu décimo aniversario.
A agrupación, cuxos membros acompañan asiduamente ao equipo nos desprazamentos, existe fai máis de dez anos, pero se oficializó hai unha década, onomástica que van conmemorar cunha exposición fotográfica, unha misa en memoria de simpatizantes falecidos na igrexa de Albeiros e unha comida no Restaurante Garabolos, no que tamén estará colgada a mostra fotográfica.
O motivo de darlle o nome de Piño Quiroga á pena débese a que un grupo de amigos reuníase habitualmente na Taberna dos Picos, situada na parroquia de Fonteira, de onde é orixinario o coñecido ex xogador branquivermello, que pasou, entre outros equipos pola Ferroviaria de Lugo na competición de modestos, logo subiu a Terceira co Avenida e o Lemos, para pasar ao Lugo nas campañas 1959/61. Do cadro branquivermello pasou ao Betis, no que coincidiu con Luis Aragonés, logo foi cedido ao Selecta e compartiu vestiario con Arsenio Iglesias . Tamén militou na Leonesa, o Ourense e o mítico Pontevedra do «hai que roelo». Na liga 1967/68 cologó as botas no Lugo nunha campaña na que decidiu non cobrar nada, iniciativa que tivo un amplo eco a nivel nacional.
Na mostra fotográfica poderanse contemplar numerosas imaxes das múltiples viaxes que fixo a pena co equipo.
Os actos son abertos, menos a comida, para a que é preciso reservar praza.