Chegados desde distintos municipios, son 35 e reúnense no 35 de Carantoña, sempre a inicios de xaneiro
19 ene 2019 . Actualizado ás 05:00 h.Son un grupo de amigos chegados de Vimianzo, Dumbría, Camariñas, Zas, Laxe ou Ponteceso. Sempre a principios do mes de xaneiro, coa chegada dos primeiros grelos á Costa da Morte, fan unha comida para degustalos. Elixen para iso o bar 35 de Carantoña e por esa cifra andan ademais os asistentes: uns 35. «Facémolo cada ano», contaba onte un deles. «O importante é que somos sempre as mesmas persoas, e que o facemos por amizade, sen ningún tipo de ideoloxía nin política de por medio», engadía. Pois iso, a gozar.