Liga dá Costa | Os de Mallón xogaron contra o Corme cun menos desde o minuto 42
13 oct 2019 . Actualizado ás 20:06 h.O Ponteceso-Corme era o partido da xornada na Liga dá Costa e non defraudou a ninguén. O equipo local, que tomou vantaxe no marcador moi pronto (1-0) pero que se foi ao descanso perdendo pola mínima (1-2) e que tras a continuación aínda foi a peor (1-3), logrou asinar o empate final a tres goles xogando cun home menos desde o minuto 42.
Foi un partido que arrincou tendo os de Mallón a posesión do balón e saíndo os visitantes ao contraataque. Ata que os locais se foron replegando e igualouse máis a contenda nos minutos finais da primeira parte. Ao regreso dos vestiarios, intercambiáronse os papeis e saíu o Corme máis enchufado. Pero, unha vez máis, o encontro foise igualando ata verse reflectido no marcador.
Ambos os conxuntos xogaron cun sistema táctico de catro defensas, catro centrocampistas, un punta (Xuko, polo Ponteceso, e Alejo, polo Corme), e un media punta (Abel e Toniño, respectivamente).
Foi un choque que, ademais, enfrontou aos pichichis do grupo costeiro de Segunda Autonómica, Xuko e Alejo, que, unha vez máis, deron mostras da súa capacidade goleadora. 1-0, min. 6: Xuko, nun saque de esquina. 1-1, min. 39: Lucas, nunha falta perigosa. 1-2, min. 45: Alejo, de penalti, por un agarrón do porteiro Rubén sobre o mesmo para evitar o gol nun man a man. 1-3, min. 65: Toniño, nun momento no que Mara se lesionou e o Ponteceso tiña nove xogadores no campo. 2-3 , min. 75: Xuko, de penalti, por unha caída de Brais sobre el mesmo. 3-3, min. 82: Ponte, nunha acción moi fortuíta. Puido Isaac asinar a remontada no último suspiro cun remate de cabeza na área pequena ao que non chegou por milímetros.
No cómputo xeral do duelo, o Ponteceso tivo máis ocasións de cara á portería. Houbo uns 150 espectadores e dous cartóns vermellos directas (unha para Mallón) e dez amarelas (Brais, expulsado no minuto 90).