As redeiras galegas reivindican o seu labor nun vídeo presentado en Malpica

«A loita das redeiras pola equidad laboral no mundo da pesca, maioritariamente masculino» é, segundo Edu Marín, un dos puntos craves do vídeo que se presentou o sábado en Malpica . El é o representante de Muzungu Producións, que xunto con Doha Debates, deron voz e imaxe ás atadoras galegas. A federación do sector é o que puxo en marcha esa iniciativa que empodera ás socias e serve para explicar un labor sen a cal non serían posibles a maior parte do resto das actividades económicas relacionadas co mar.

Ao acto asistiu o delegado territorial da Xunta, Gonzalo Trenor, ademais do alcalde malpicán, Walter Pardo, e representantes de redeiras de Cangas , Cariño e Malpica, de onde é a presidenta da federación, Verónica Veres. O vídeo gravouse antes da pandemia, pero non se presentou ata agora, cando as limitacións polo covid permitiron xa reunións máis amplas, explicou Edu Marín.

A gravación servirá para que as atadoras poidan dar a coñecer o traballo que realizan a diario en distintos ámbitos, ademais das súas principais reivindicacións como a aplicación dun coeficiente reductor para a xubilación, no Réxime Especial do Mar, ou o recoñecemento de enfermidades profesionais.

---

---

---