Esta actividade en teoría espontánea chegou o domingo a Laxe, á praia de Soesto, e este luns, ao areal urbano
18 mares 2019 . Actualizado ás 20:07 h.Un par de luvas, algunhas bolsas e moito amor pola natureza é todo o que se necesita para o Trashtag Challenge, un novo reto viral que desde fai case tres anos circula polas redes sociais e conseguiu limpar toneladas de lixo en todo o mundo, principalmente en zonas de importancia natural.
Esta actividade en teoría espontánea chegou o domingo a Laxe, á praia de Soesto, concretamente, onde voluntarios de distintas idades procederon a recoller os desperdicios lanzados polo mar, coa finalidade de que as ondas non volvesen levarllos. A operación repetiuse este luns no areal de Laxe. Esta vez, os interesados estaban convocados ás once da mañá no peirao vello. Non foi unha xornada tan agradable como a do domingo, fixo vento e frío e o sol apenas se asomou para dar morneza ao reto.
En ambas as praias os voluntarios recolleron botellas de distintas características, artes de pesca e moito plástico en xeral. Non houbo fotos do antes e o despois porque a faena era enorme.