Trátase dun peón, veciño da parroquia coristanquesa de Valenza, que incomprensiblemente camiñaba polo centro da calzada en plena noite e foi golpeado co espello retrovisor esquerdo dun BMW, no que viaxaba o baiés J.A.R.R., que tivo que ser atendido por un ataque de inquedanza
12 oct 2017 . Actualizado ás 12:36 h.A autovía da Costa da Morte, unha das máis seguras da rede galega, rexistrou onte a súa primeira vítima desde a súa inauguración, en xullo do 2016. Trátase dun peón, veciño da parroquia coristanquesa de Valenza, que incomprensiblemente camiñaba polo centro da calzada en plena noite e foi golpeado co espello retrovisor esquerdo dun BMW, no que viaxaba o baiés J.A.R.R., que tivo que ser atendido por un ataque de inquedanza.
A agrupación de Tráfico investiga as causas do atropelo. As primeiras hipóteses apuntan a que o transeúnte se incorporou á vía de alta capacidade polo desvío de Agualada. De feito, o fatídico atropelo produciuse a uns 300 metros da citada intersección, sentido Fisterra. O corpo da vítima, José Allo López, de 76 anos, quedou tendido no chan en plena recta, xunto á mediana. Tráfico tamén investiga se sequera o peón levaba chaleco reflector, aínda que persoal de urxencias desprazado ao lugar do accidente, apuntou que non o levaba posto no momento do atropelo.