Os postos abren esta tarde ás 17.00, pero momento clave será o Desembarco: 22.30 horas, na Praia de Quenxe
19 jul 2019 . Actualizado ás 05:00 h.Hoxe • Con permiso de San Marcos, ou mesmo do Carmen, entre outras citas, o Mercado Medieval é para Corcubión das citas máis importantes do ano, se non a que máis. Esta localidade, perla histórica da Costa da Morte, propón cada xullo, e desde hai 19 anos, unha viaxe no tempo no que a gran maioría dos veciños implícanse e no que acompaña non só a historia senón tamén a arquitectura: velaí dúas das claves.
Desde hoxe mesmo, coa apertura de postos ás 17.00 horas, ata a noite do domingo, sucederanse as máis diversas actividades: cetrería, talleres de oficio, teatro de rúa, música en vivo, concertos, espectáculos de gran formato... Nesta xornada de arranque, no entanto, ninguén debería perderse un dos momentos máis destacados do Mercado, a recreación do desembarco das tropas do Arcebispo Rodrigo de Lúa en Corcubión. Corría o ano 1457. Para tomar contacto con estes feitos, e revivilos, non hai máis que achegarse ata a Praia de Quenxe ás 22.30 horas. En definitiva, como dicían na presentación da celebración, é «algo único na Costa da Morte». O mercado segue mañá e o domingo.