A Xunta adquirirá unha sala de raios X dixital robotizada e un sistema dixital de radioloxía portátil
18 jul 2025 . Actualizado á 05:00 h.A Xunta acaba de sacar a licitación, a través do Portal de Contratos Públicos de Galicia, a suministración de equipamento de alta tecnoloxía para varios hospitais públicos da comunidade autónoma. O investimento total acada os 1.857.350 euros e as empresas interesadas na licitación teñen ata o 1 de agosto para presentar as súas ofertas.
O contrato divídese en tres lotes, e parte das subministracións incluídas no terceiro deles irán parar ao hospital Virxe da Xunqueira de Cee. En concreto, o Sergas adquirirá para o recinto unha sala de raios X dixital robotizada con suspensión de teito, por importe aproximado con IVE de 260.755 euros, e un sistema dixital de radioloxía portátil, no que planea gastar outros 118.580 euros. Este último servirá para que queda ser facilmente transportado e utilizado en calquera dependencia do hospital, segundo despréndese dos pregos publicados pola Xunta no portal de contratación.
O investimento total previsto por Sanidade para o Virxe da Xunqueira de Cee será, pois, de 379.335 euros.