Empezan xa algúns dos programas do Nadal municipais da comarca: toma nota
10 dic 2018 . Actualizado ás 20:05 h.A maiores da Semana Sen Fronteiras do Casino carballés e das visitas que poidan facerse ao belén laxense, hai outras citas na axenda deste día:
Actividades en Coristanco
O programa do Nadal coristanqués empezou o día 3 con actividades no Punto de Lecer Infantil (POI) da man de Julio Verne. Hoxe hai unha nova sesión, para quen se acheguen entre as 14.00 e as 20.00 horas.
Santa Eulalia en Brens
No municipio de Cee está a celebrarse Santa Eulalia en Brens. A festa -con orquestras- celebrouse este pasado sábado, pero hoxe seguen os oficios relixiosos, con misa ás 12.30 horas.
Taller do Nadal en Fisterra
En Fisterra arrincará esta tarde o programa do Nadal Cultural municipal. Para hoxe está previsto un taller de centros de mesa, o do grupo 1 (mañá, nova edición). Está destinado a maiores de 16 anos e os inscritos han de acudir ás 15.30 horas ao mercado municipal. Poden consultar se queda algunha praza no teléfono 981 740 001.
«Express-arte», en Cee
Unha das actividades programadas pola concellaría dá Muller e Igualdade de Corcubión con motivo do 25 de novembro, Día da Eliminación da Violencia Contra a Muller, foi unha exposición fotográfica, de título Express-arte. Está instalada ata o 17 de decembro, segundo o programa, no instituto Fernando Blanco ceense: «Mostra con perspectiva de diferentes realidades dende a arte, creada no marco do programa de inserción laboral para vítimas de violencia de xénero».