Consulta, aquí, outras actividades próximas na localidade de xadrez e dúatlon
24 oct 2019 . Actualizado ás 05:00 h.A Asociación Cultural A Billarda de Toxo, con sede en Paiosaco, quere dar a coñecer este deporte tradicional que, nos últimos anos, está gañando moitos adeptos. Sobre todo, mulleres e nenos. É por iso que este domingo, ás once da mañá, chegará a Carballo. Concretamente, ao parque do Chorís, salvo que ameace a choiva. Neste caso, trasladaríase inmediatamente ao pavillón do colexio de Razo.
Os catro equipos que compoñen a entidade e que están integrados na Conferencia Noroeste da Liga Nacional de Billarda, estes son o Campo dá Feira de Paiosaco, o APB da Laracha, o Cochikeiros de Malpica e o Filloas de Sangue da Coruña, disputarán a cuarta xornada con senllos partidos. A vicepresidenta Merche Castro anima a todo o mundo a achegarse e a probar, mesmo.
Outra actividade próxima
Por outra banda, o Club de Xadrez O Toque Xiria de Carballo organiza un curso deste deporte para adultos. Dará comezo o día 6 de novembro no Espazo Xove da localidade. Será todos os xoves, de oito a nove da tarde.
As inscricións xa están abertas no teléfono 617.234.393, ou a través do correo electrónico xadrezcarballo\
Máis en decembro
Tamén o Dúatlon X de Nadal a celebrarse en Carballo o 15 de decembro abriu o prazo para anotarse nas páxinas web www.rockthesport.com e www.fegatri.org. Organiza a Federación Galega de Tríatlon e Pentatlón Moderno e a Agrupación Deportiva Media Ducia, do municipio carballés.
A proba desenvolverase no polígono de Bértoa, con saída na Rúa de Bronce ás dez da mañá. Serán 5 quilómetros a pé, 20 en bicicleta e uns dous e medio últimos correndo, novamente. As inscricións pecharanse o 10 de decembro. Desde a organización lembran que non é indispensable ter licenza federativa para participar.