Carballo avanza nas obras de Castrillón, protexido no Plan Xeral
CARBALLO MUNICIPIO
Os traballos de mellora viaria inclúen a instalación da canalización para a futura conexión á rede de abastecemento de auga a Lema
21 ago 2019 . Actualizado ás 05:00 h.O Concello de Carballo traballa na actualidade nun proxecto de mellora viaria no núcleo de Castrillón, na parroquia de Lema.
Executado pola empresa Construcións Vázquez e Reino, ten un orzamento de 210.056 euros e inclúe a instalación da canalización para a futura conexión á rede de abastecemento de auga a Lema. O alcalde, Evencio Ferrero, e os concelleiros Milagros Lantes e Juan Seoane, desprazáronse ao lugar para comprobar de primeira man o avance dos traballos neste núcleo, protexido no Plan Xeral polos seus valores arquitectónicos, paisaxísticos e ambientais.
Castrillón é un asentamento tradicional ao redor da capela de Santa Irene, cuxas edificacións manteñen en gran medida a referencia tipológica orixinaria. Ademais, acolle elementos patrimoniais protexidos, tanto de carácter arqueolóxico como arquitectónico.