Dezasete locais tomarán parte nesta sétima edición da iniciativa: ¡consulta detalles!
24 may 2019 . Actualizado ás 05:00 h.Hoxe • De 20.00 a 22.00 horas • 2 euros a tapa • A sétima edición da ruta gastronómica Carballo por Etapas arrincará esta tarde. Será o primeiro día de dúas fins de semana dedicadas á gastronomía en pequenos bocados e, en definitiva, á posta en valor dunha ampla rede de locais hostaleiros na capital de Bergantiños.
Nesta xornada inicial, as preparacións -dúas por negocio- poderán degustarse de 20.00 a 22.00 horas, cun custo de 2 euros por tapa, igual que o ano pasado. Participan na iniciativa 17 establecementos: A Barra Bares, A Esmorga Restaurantes, A Nova Ferradora, A Nova Tascas, Vinoteca Ánfora, Cafetería Habanos 79, Cervexería A Tapería, Cervexería Ágora, Korner Carballo, Mesón A Cabaña, Mesón As Viandas, O Burato 26 Marisquería, Oasis Restaurante e Vinoteca, restaurante Mesón do Polbo, Vinoteca A de Pako, Taberna O Mexillón e Pizzería Vesuvio. Con cada unha das tapas, o cliente obterá un rasca co que poderá acceder a premios directos que van desde copas de viño, ata botellas e mesmo outra tapa desta ruta.
Neste novo Carballo por Etapas, que ademais estrea imaxe, volverá haber tren turístico. Percorrerá hoxe os locais entre as 19.00 e as 21.00 horas: saída cada 30 minutos da rúa Desiderio Varela.