Foron convocados os representantes dos concellos de Soneira e Fisterra
30 ago 2017 . Actualizado ás 05:00 h.O conselleiro de Sanidade, Jesús Vázquez Almuíña, reuniuse onte con representantes municipais da Costa da Morte para darlles a coñecer a reforma da lei de Saúde de Galicia, que terá implicacións para a zona con respecto á área de influencia do hospital Virxe da Xunqueira de Cee.
Foron convocados os representantes dos concellos das comarcas de Soneira e Fisterra, pero a asistencia foi mínima. De feito unicamente acudiron os rexedores de Vimianzo e de Zas e tres concelleiras da zona, entre as que estaba Sandra Insua, de Camariñas. A edila, en calidade de alcaldesa accidenta, expuxo ao conselleiro varias queixas con respecto ao servizo sanitario no municipio, sobre todo pola falta de substitutos no verán, pero tamén pola escaseza de material.
Ademais destas cuestións, queixáronse das longas listas de espera no hospital ceense, especialmente en traumatología, pero tamén do atraso na atención no complexo hospitalario coruñés.