Hoxe celébrase a sétima Quedada BTT dous Callos
26 ene 2020 . Actualizado ás 05:00 h.Desde primeira hora da mañá de hoxe, a sétima Quedada BTT dous Callos tomará A Laracha. Uns 287 ciclistas anotáronse. O límite estaba nas 300 prazas. Por este motivo, Maximino Pérez, membro da organización, a asociación local Downhill, mostrouse onte «moi contento».
Ben certo é que a xente agardou ata o último momento para inscribirse «á espera do tempo que ía haber», explica o directivo. Para todos eles, ten boas novas Pérez: «Dan auga para a tarde». Así é que en principio, non lles afectará a eles.
Ás 9.30 horas partirán os dous percorridos (o longo, de 38 quilómetros, e o curto, de 25), do IES Agra de Leborís. O primeiro irá por Vilaño, ata o límite con Cerceda, para regresar por Golmar. O outro, non irá máis aló da zona limítrofe con Carballo.
Na tarde de onte, o club atopábase marcando o trazado. «Se non chove, o terreo está perfecto para a BTT», informou Maximino.
Moitos dos que o pasado ano deron guerra, tomarán mañá a saída, asegurou, así mesmo.
Desde as sete da mañá estarán no pavillón municipal repartindo os dorsais e preparando os deliciosos aperitivos que dan tanto nos avituallamientos como ao finalizar a proba non competitiva.