O Arousa tirou de efectividade para golear a un Paiosaco moi frouxo en defensa (0-4)
A Laracha
Terceira Nacional | Aos cinco minutos do inicio do xogo, os verdibrancos xa perdían 0-2
13 oct 2019 . Actualizado ás 22:31 h.O Paiosaco sufriu unha goleada na Porta Santas (0-4) fronte a un Arousa que demostrou unha tremenda efectividade e que se aproveitou dos fallos defensivos dos verdibrancos para levar os tres puntos en litixio. O duelo xa empezou mal para os locais que, en apenas catro minutos xa ían perdendo por 0-2, con goles ambos de Roberto Fernández.
O técnico local, Juan Riveiro, trataba de insuflar ánimos aos seus, que o intentaban en ataque, pero precipitábanse no pase. Os arousáns atoparon un filón nesas perdas perigosas e nunha defensa que xogaba moi arriba tratando de achicar espazos. Pedro asinou o terceiro (min 39) e o partido quedou practicamente finiquitado. Tras o descanso, o Paiosaco seguiuno intentando, non baixou os brazos en ningún momento, pero os erros pesaban como unha laxa. Javi Otero rubricou a goleada (min 67).
Paiosaco: Adrián Rama, Iriso, Pablo, Sergio (César, min 70), Edu, Samu, Aythami (Hugo, min 65), Javi Fuentes , Adrián Otero, Eiroa (David, min 59) e Juan de Dora .
Arousa: Manu, Fontán, Cotilla, Julio (Jesús, min 76), Alberto, Pedro García (Iago, min 60), Jorge Sáez, Manu, Pedro Beda, Roberto Fernández (Javi Otero, min 46) e Raúl.
Goles: 0-1, min 1: Roberto Fernández. 0-2, min 4: Roberto Fernández. 0-3 min 39: Pedro Beda. 0-4 min 67: Javi Otero.