Chegan datas de trajín e este xesto solidario é aínda máis necesario: anote!
01 dic 2025 . Actualizado á 05:00 h.Avecíñanse datas de moita mobilidade e as doazóns de sangue fanse máis vitais aínda. Esta semana, de luns a venres, haberá oportunidade para doar sangue na Costa da Morte. Hoxe mesmo, de 17.00 a 21.00, coa unidade móbil situada ao lado da lonxa de Fisterra. Mañá, de 16.15 a 21.00, na Praza do Concello de Vimianzo. O mércores, de 16.00 a 21.00, na Praza do Recheo de Ponteceso. Finalmente, xoves e venres, na localidade de Carballo: de 10.00 a 14.00 e de 16.00 a 21.00, ambas as xornadas, na Praza do Concello. Non se precisa cita previa.