Moita festa polo Carme e outras propostas para este venres na Costa da Morte

Ademais do concerto de Mondra en Carballo (22.30, Praza do Concello, ver aquí), estas outras propostas para hoxe, venres 18 de xullo, na Costa da Morte:

Cee

Inauguración de exposición • Logo da exitosa mostra de Fernán Vello chega unha nova exposición á Casa da Cultura. Hoxe, ás 20.30 horas, apertura da proposta conxunta de Pedro Domínguez Fernández e Manuel Quiñoy. Estarán acompañados pola edila Luisa Rodríguez e a alcaldesa, Margarita Lamela.

Visitas guiadas ao museo Fernando Blanco • Botan a andar os percorridos guiados de verán. Saída ás 10.30 horas do museo, con inscrición previa no 981 747 221.

Corcubión

Cita cos libros • A Capela do PIlar acolle ás 20.00 a presentación da obra Golpistas e represores: retratos e memoria histórica de falanxistas galegos, de Luís Lamela. Acompañan Rafael Mouzo e Álex López. Por outra banda, de 19.00 a 21.00, no Casino, Ángel Martínez Moar firmará exemplares do libro Cen anos de saudade: Corcubión 1923-2022.

O Ézaro (Dumbría)

Espectáculo audiovisual • Nova cita na fervenza. De 22.30 a 00.30, O Eco do Ézaro: suma de patrimonio natural, tecnoloxía e mitoloxía galega. Toda unha experiencia inmersiva. Gratuíto.

Festas pola comarca, dun lado ao outro

Sardiñada en Camariñas • Sardiñada de balde na praia Area da Vila (14.00), amenizada por un dúo e a charanga Santa Compaña. Inchables para os nenos. Pola noite, orquestra Miramar e discoteca Macro Impacto.

O Carme en Cerceda • Dianas e alboradas ás 09.00, misa ás 13.00, sesión vermú ás 14.00 e verbena ás 23.00 coa orquestra Furia Joven e a discoteca Impacto co DJ Bermúdez.

O Carme de Moraime (Muxía) • Gran churrascada e verbena coa discoteca CDC, a partir das nove da noite.

O Carme do Briño • Día de romaría no Concello de Cabana. Misas ás 12.00 e 13.00, con pasarrúas da banda Eduardo Pondal (Corme) e a charanga Santa Compaña. Vermú con Fuego e verbena con Fuego e Fania Blanco.

O Carme en Barizo (Malpica) • Hoxe, verbena coa orquestra Metrópolis, discoteca Impacto e Drew Korme.

Cabana

Visita nocturna a Dombate • De 23.00 a 00.00, outro xeito de coñecer o dolmen. Inscrición previa no teléfono 981 754 020 (Concello).

Laxe

Teatro • Ao carón do local social de Soesto, ás 19.30 horas: obra Un rei e outros animais.

Muxía

Doble sesión de concertos • Ás 13.30 e 19.30, no cámping Lago-Mar. Turnes & His Lago Delta e Blues Boys.

Vimianzo

Hambur Bingo • Promove a comisión de festas, na Praza ás 20.30, con sorpresas.

Malpica

De cine • Ás 22.30, na Praza do Campo, para público familiar, proxección do filme Los Mitchel contra las máquinas.

O Couto (Ponteceso)

Programa Xermolar • Comezan as sesións formativas para xuventude da Fundación Pondal e Casa da Muller. Ás 19.00 horas, código braille.

---

---

---