O grupo levará ao próximo pleno de Cee unha moción respecto diso
26 ene 2020 . Actualizado ás 05:00 h.O BNG de Cee levará ao próximo pleno municipal unha moción relacionada co custo da enerxía e a súa repercusión sobre Ferroatlántica, a principal compaña industrial da zona. Din os nacionalistas que en febreiro do ano pasado o Consello de Ministros autorizou a tramitación do real decreto para crear o Estatuto do Consumidor Electrointensivo, pero que 10 meses despois segue sen aprobarse. Ademais, as novas poxas de interrumpibilidad, á parte de reducir á metade a potencia eliminaron os bloques de 40 MW que eran os máis interesantes para Cee-Dumbría. Por iso instan o Goberno a aprobe o estatuto e unha serie de medidas para eliminar os custos extra da electricidade e aumentar as compensacións do dióxido de Carbono, á vez que lle piden á Xunta que, en base ás concesións das centrais, esixa un plan industrial.