Goleada do Fisterra a domicilio e derrota do Laracha en casa fronte ao Ribadeo
16 sep 2019 . Actualizado ás 05:00 h.Cando menos, insulso. Así foi onte pola tarde na Coruña o partido da cuarta xornada de Terceira xogado polo Silva e o Paiosaco, que acabou con empate a un gol.
Os locais adiantáronse ao fío dos 20 minutos de encontro por medio de Joni Silva e o empate dos laracheses chegou antes de tomar o camiño aos vestiarios, ao anotar Eiroa de penalti.
Iso foi todo o destacado dun choque, no que tampouco pode citarse nada máis parecido a unha ocasión de gol. Unicamente un barullo na área do que dispuxo o Silva no primeiro tempo, pero tampouco chegou a nada.
As reducidas dimensións do terreo de xogo tamén contribuíron a que se vise un partido moi dominado polas defensas, con escasos espazos para ver accións meritorias de cara á portería rival.
Preferente
O outro representante do municipio en categorías superiores, o Laracha de Preferente volveu deixarse os puntos. Esta vez caeu en casa ante o Ribadeo (0-1), cun solitario gol de Criss no minuto 12.
Ben distinta foi a imaxe do Fisterra que lle endosou un 0-3 a domicilio ao Lemos. Marcaron ademais tres dos referentes ofensivos do equipo. Capelo, no minuto 20; o recentemente chegado Taboada, no 52, e Mackay, no 72. Os fisterráns, con sete puntos xa, deixan claro que non viñeron á categoría de visita. Pensan quedar.
?Damián; Lema, Xusto, Fiuza, Cata; Joni Fila, Sergio, Parafita, Kike Sil; Tomei e Fabián. Entraron na segunda metade Iván Riveiro, Rojo e Kun.
?
Lama; Aythami, Popi, Beto, Iriso; Samu, Pablo, César, Otero; Eiroa e Juan de Dora . Tamén xogaron despois do descanso, que entrou no minuto 25 por Pablo, lesionado; Nico e Jamallo.
Goles: 1-0, min. 19: Joni Fila e 1-1, min. 43: Eiroa.
Árbitro: Rubén Estremadura Hernández. Bastante ben. Nesta ocasión pasou desapercibido.
Incidencias: Partido da cuarta xornada de Terceira División disputado no campo A Grela I.