A Feira Náutica de Camariñas pechará as súas portas dando o seu premio especial aos protagonistas da mítica serie galega
16 jun 2019 . Actualizado ás 05:00 h.A terceira e última xornada da terceira edición da Fenaucam estará tinguida polas homenaxes. Por unha banda, ao fútbol da costa (17.00 horas), tras unha charla co exárbitro internacional Raúl García de Louza, que falará do vídeo arbitraxe (VAR).
Tamén se acordarán na Feira Náutica de Camariñas do seu paisano Xosé Mosquera Pérez (18.00), o inventor do halador do palangre, un dispositivo que tanto facilitou a dura vida dos mariñeiros.
E xa a modo de clausura, antes de proceder ao sorteo de agasallos entre o público, dedicará tamén o club náutico un instante para lembrar aos protagonistas da mítica serie de televisión Mareas Vivas, que xustamente en xaneiro cumpriu vinte anos desde a súa primeira emisión, e grazas á cal a Costa da Morte logrou facerse un oco nas casas dos televidentes que tanto gozaron de todas as aventuras tidas lugar no Portozás de Petróleo, Pitusa, María e compaña. Será ás oito da tarde, pero ao longo do día sucederanse as actividades: degustacións de mexillón, portas abertas na lancha de Salvamar, xadrez, proxección do documental de Titanic e moito máis.