A candidata á alcaldía de Vimianzo polo PSOE, Mónica Rodríguez, e a actual portavoz municipal, Paula Mouzo, entrevistáronse onte en Madrid co director xeral do Servizo Público de Emprego Estatal. García Carballido, alcalde de Ponteceso, tamén estivo en Madrid. Igualmente, a candidata ceense Margarita Lamela
13 feb 2019 . Actualizado ás 05:00 h.A candidata á alcaldía de Vimianzo polo PSOE, Mónica Rodríguez, e a actual portavoz municipal, Paula Mouzo, entrevistáronse onte en Madrid co director xeral do Servizo Público de Emprego Estatal (SEPES), Alejandro Soler , para trasladar a situación na que se atopa o polígono vimiancés que, segundo Rodríguez, «leva sufrindo o desleixo das últimas administracións municipais, especialmente o do alcalde actual». Por iso é polo que, ao seu xuízo, haxa que «converter este solo industrial e empresarial en un vector de crecemento para Vimianzo nos vindeiros anos». De feito, asegura que se os veciños lle dan a confianza para chegar á alcaldía, desenvolverá «un proxecto de futuro para o municipio que o devolva á cabeceira de Soneira e da Costa da Morte».
García Carballido
Tamén estivo en Madrid o alcalde de Ponteceso, o socialista Lois García Carballido. Reuniuse cos deputados galegos Ricardo García Mira, Rocío de Froitos, Guillermo Meijón e Pilar Cancela no Congreso dos Deputados. Explicoulles o proxecto de ampliación do parque empresarial de Tella e solicitou o seu apoio.
Así mesmo, a candidata ceense, Margarita Lamela, estivo o luns pasado no responsable de SEXA (Chan Empresarial do Atlántico) e onte tamén tiña prevista unha reunión con Alejandro Soler .
Ao director do SEPES, a edila vimiancesa pediu apoio para que a comarca non perda o tren no que a locomotora son agora A Coruña e Carballo.