O sorteo celebrarase na Cidade do Fútbol a partir das 16.00
12 dic 2018 . Actualizado ás 05:00 h.A Cidade do Fútbol acollerá mañá, ás 16.00, o sorteo das seguintes eliminatorias da Copa do Rey , a Copa da Reina e a Real Copa Federación Española de Fútbol, na que se atopa inmerso o Bergantiños. A entidade retransmitirá en directo desde a súa páxina web o evento. Ao equipo carballés pódelle tocar como adversario en oitavos de final calquera dos 15 conxuntos que chegaron ata esta rolda, aínda que ao primar a proximidade entre clubs, o Pontevedra CF, vixente campión, ten moitas posibilidades.