A muller sufriu lesións de diversa consideración
05 sep 2021 . Actualizado ás 13:49 h.Unha persoa que circulaba en bicicleta pola senda paralela ao río Artes, en Ribeira, tivo que recibir asistencia sanitaria despois de que, por causas que se descoñecen, caese á canle.
Ao redor das 12.30 horas, a central do 112 foi informada de que os servizos sanitarios acababan de sacar da auga a unha muller que se caeu desde o paseo fluvial e necesitaban axuda para movela. Ao parecer, a caída produciuse ao cruzar unha ponte, nunha zona na que o río apenas levaba auga. Ao lugar do contratempo desprazáronse unha patrulla da Policía Local de Ribeira e da Policía Nacional, Protección Civil e unha ambulancia do 061, que trasladou ao hospital de Barbanza a a persoa accidentada para ser atendida das súas lesións.