Ruiz pide a inclusión do novo polígono no plan de áreas industriais da Xunta
RIBEIRA
O rexedor mantivo unha reunión coa deputada autonómica Ana García Vidal na que lle trasladou esta cuestión
17 abr 2021 . Actualizado ás 05:00 h.O alcalde de Ribeira , Manuel Ruiz, mantivo onte unha reunión coa deputada autonómica Ana García Vidal, a quen transmitiu o seu interese en que o novo polígono de Fontenla-Pedras Vermellas, así como a ampliación, sexan incluídos no plan sectorial de áreas empresariais da Xunta.
O mandatario explicou a Ana García, que se desprazou á capital barbancesa para coñecer as necesidades do municipio, que coa consulta lanzada polo Concello constatouse o interese por ocupar uns 215.000 metros cadrados de terreo.
A circunvalación
Outro dos temas abordados foi o relativo á circunvalación e, neste sentido, a deputada sinalou que prosegue a tramitación ambiental da obra.
En canto ás alegacións, a previsión é que estean respondidas antes do verán.
Finalmente, Manuel Ruiz trasladou a Ana García a preocupación do sector da flota artesanal ante o proxecto de reforma do regulamento de control da Unión Europea. A representante política, integrante da comisión de Pesca, trasladoulle que o grupo parlamentario popular coincide con esta postura e que se traballa na defensa do sector.