O home comezou a facerlle tocamentos ata que a nova lle propinou un lapote
30 may 2020 . Actualizado ás 14:46 h.Un barbancés sentarase o vindeiro venres no banco dos acusados da sección sexta da Audiencia Provincial para responder por un suposto delito de abuso sexual, polo que o Ministerio Fiscal solicita cinco anos de prisión. O Xulgado de Instrución número 1 de Ribeira foi o encargado de levar o caso, cuxos feitos tiveron lugar na primeira semana do outubro do 2017, cando o imputado atopábase no domicilio duns parentes. Nun momento dado, o home acudiu a un cuarto na que se atopaba a menor tombada na cama vendo a televisión e, coa escusa de instalar a wifi, achegouse a ela e colocouse ao seu lado.
Logo ofreceulle diñeiro para comprar lambetadas, ao mesmo tempo que comezou a realizarlle tocamentos na zona vaxinal e nos peitos, cesando na súa actitude cando a nova lle propinou un lapote. Días despois, o acusado volveu á carga cando a menor se atopaba no baño da vivenda, achegándose a ela por detrás e comezando a fregar os seus xenitais contra a moza, ata que esta o empurrou.
Ás vista do sucedido, o fiscal considera que os feitos son constitutivos dun delito de abusos sexuais, e ademais de cinco anos de cárcere, pide para o acusado o pagamento dunha indemnización de 6.000 euros.