O Instituto Xeolóxico Nacional rexistrou un terremoto dunha magnitude de 1,8 na escala Richter
15 abr 2019 . Actualizado ás 17:32 h.A terra volveu tremer na comarca onte pola mañá, máis concretamente no municipio de Ribeira, onde se rexistrou un pequeno terremoto pouco antes do mediodía. O sismo acadou unha magnitude de 1,8 na escala Richter.
Segundo os datos do Instituto Xeolóxico Nacional, o tremor que sacudiu o municipio onte produciuse ás 11.48 horas nunha zona comprendida entre Ribeira e Castiñeiras. En concreto, detectouse nas proximidades do núcleo de Martín.
Non é infrecuente que nesta zona se rexistren pequenos sismos, pero a maioría non chegan a ser percibidos pola poboación e o Instituto Xeográfico Nacional só publica información daquelas dunha magnitude igual ou superior a 1,5 na escala Richter. O último captado polos sismógrafos da institución dependente do Ministerio de Fomento antes do de onte produciuse en Lousame o pasado decembro e tivo unha intensidade de 2,3 graos.