Un dos cadáveres apareceu sobre a area da Corna e o outro, flotando no litoral de Corrubedo
20 mares 2019 . Actualizado ás 12:32 h.O Vimar era un pesqueiro portugués que se afundiu a comezos do mes de marzo do 2010 na desembocadura do río Miño. Dúas persoas lograron sobrevivir á traxedia e unha foi achada morta o mesmo día do afundimento, pero outros dous mariñeiros desapareceron. Os días pasaron e o mar acabou devolvéndoos aos seus familiares no litoral ribeirense. O primeiro dos cuperos aparecía tal día como hoxe na praia da Corna. Non tiña documentación, pero o traxe de augas e a roupa xa levaron á familia a identificalo a través das fotografías. Tratábase de Fernando Rui Vasconcelos, de 46 anos. Fora un veciño da zona no que vira o corpo tendido sobre a area.
O 20 de marzo aparecía o segundo cadáver, esta vez en Corrubedo. Os servizos de urxencia estivera rastrexando a costa barbancesa durante a mañá, pero era un pescador o que cara ás catro da tarde daba a voz de alarma. O corpo estaba a flotar. Tamén polas fotos, os familiares confirmaban que se trataba de Alfredo Alonso Santos, de 48 anos. Ambos foron trasladados ao Instituto Anatómico Forense, onde se lles practicou a autopsia.