As afectadas teñen que estar actualmente no corredor por falta dunha sala
16 feb 2019 . Actualizado ás 21:57 h.Entre as numerosas carencias dos edificios xudiciais de Ribeira figura a falta dun espazo que preserve a intimidade das vítimas de violencia sexista, mentres que os detidos si contan cunha sala á parte ata que lle chega o momento de comparecer ante o xuíz. A Administración xudicial quere resolver esta situación e busca alternativas para habilitar unha sala reservada.
Varias foron as propostas que o coordinador xudicial recibiu dos profesionais.
Na terceira planta
Unha das alternativas é habilitar a terceira planta do inmoble, onde está o arquivo no que se custodian os documentos xudiciais.
Este espazo dispón de amplitude suficiente, polo que podería habilitarse unha zona específica para que a vítima non tivese que estar sentada nos corredores, como ocorre agora.