Os axentes Policía Nacional de Ribeira investigan os feitos co obxectivo de dar co paradoiro das aves
13 dic 2017 . Actualizado ás 05:00 h.Un veciño de Ribeira acudiu este martes á comisaría de Ribeira para denunciar un roubo sen precedentes. Segundo afirmou ante o axente que o atendeu, os ladróns habíanse levado 47 galiñas dun curral que ten na parroquia de Olveira.
A pesar de que a súa residencia se atopa en Santa Uxía, o barbancés ten este galiñeiro nunha leira da súa propiedade. En total, segundo afirmou na comisaría, no seu interior había un total dunhas 90 aves, todas poñedeiras e a maioría de cor negra.
Os axentes Policía Nacional de Ribeira investigan os feitos co obxectivo de dar co paradoiro das aves e poder devolverllas ao seu lexítimo dono.