Desde o sur da ría, apréciase como unha nube de fume cobre toda a costa de Barbanza
26 mares 2019 . Actualizado ás 09:23 h.O intenso vento está complicando as tarefas de extinción dun incendio forestal que comezou, cara ás nove da noite no municipio de Dodro, concretamente nas zonas de Bexo e Paradegua. Desde pouco despois das dez da noite tamén se loita contra as chamas na zona de Burés, en Rianxo. Ata alí desprazáronse integrantes da Policía Local, Protección Civil, Garda Civil, bombeiros e integrantes do distrito forestal.
O lume obrigou a cortar un tramo da estrada comarcal AC-305 entre o límite de Rianxo con Bexo. Fontes da Policía Local sinalaron que a zona do viario afectada pertence a Dodro e que os vehículos están a ser desviados pola autovía.
Así mesmo, unha falsa alarma sobre un incendio en Palmeira mobilizou a Policía Local de Ribeira e A Pobra, así como a Protección Civil de Boiro.
As chamas continúan estendéndose, alentadas por un vento cambiante, e avanzan cara á parroquia de Asados, en Rianxo.