Muros benefíciase dunha liña de axudas de 300.000 euros para mellorar a rede de saneamento

Muros é un dos 22 concellos beneficiarios dunha liña de axudas dun total de 300.000 coa que se busca mellorar o abastecemento. Para isto realizarase unha auditoría na rede que permita detectar verteduras e infiltracións, co obxectivo de gañar eficiencia no servizo e contribuír a aumentar a calidade das augas da ría.

Por isto, as conselleiras de Infraestruturas e Mobilidade, Ethel Vázquez, e de Mar, Rosa Quintana, visitaron no municipio muradán, que recibirá un total de 12.500 euros da primeira convocatoria dunha liña de axudas destinada a localidades de menos de 50.000 habitantes.

Neste sentido Vázquez explicou que o Concello de Muros solicitou estas axudas, interesado en avaliar a rede municipal de saneamento, para poder corrixir as súas deficiencias e evitar verteduras ao mar que prexudiquen a calidade da auga e a actividade marisqueira.

Ademais, a titular de Infraestruturas e Mobilidade sinalou que case o 90 % dos veciños de Muros están conectados ao saneamento municipal, unha rede formada por 18 bombeiros e dúas fosas sépticas, ademais das depuradoras de augas residuais de Muros e Esteiro. A Xunta en total investiu ao longo dos anos 45 millóns de euros en mellorar a calidade das augas da ría de Muros-Noia.

Pola súa banda Rosa Quintana destacou que as actuacións para garantir o bo estado da rede de abastecemento son fundamentais para preservar a calidade do litoral. Ademais, incidiu en que as actuacións da Xunta de Galicia benefician tanto aos profesionais do sector marítimo como á totalidade da cidadanía.

---

---

---