As Caramiñas regresan á Pobra para repartir bonos valorados en máis de 6.000 euros
A POBRA DO CARAMIÑAL
A campaña estará activa desde o 1 ata o 31 de decembro e cada día sortearanse 200 Caramiñas
26 nov 2025 . Actualizado á 17:24 h.A concellaría de Promoción Económica da Pobra quere estimular o consumo no comercio local durante o Nadal e para iso impulsa unha nova edición da iniciativa «Descubre as Caramiñas da Pobra do Caramiñal e comparte o teu Nadal», na que se repartirán vales por valor de 6.200 euros.
Tal e como apuntou a edila Amparo Cerecedo, o obxectivo é «achegar á cidadanía ás rúas do municipio, animándoa a descubrir e fotografar os recunchos do Nadal». Esas imaxes serán, precisamente, as que permitirán optar aos bonos agasallos dotados con 200 euros que se repartirán.
A campaña estará activa desde o 1 ata o 31 de decembro e o Concello rifará 200 Caramiñas diarias. Todos os xoves daranse a coñecer as persoas gañadoras que tomaron parte na iniciativa desde a semana anterior.