O BNG pobrense reclama a reprobación do alcalde e a edila de dinamización económica

O BNG da Pobra pide a reprobación do alcalde e da concelleira de dinamización económica pola falta dunha política municipal de fomento do emprego. A formación sinala que desde o inicio do mandato presentou varias iniciativas neste sentido, encamiñadas á creación de postos de traballo. Explica que algunhas foron aprobadas por unanimidade, como a creación dun plan de emprego xuvenil ou a posta en marcha de talleres de emprego para menores de 30 anos. Así mesmo, subliña que en maio do 2017 aprobouse unha ordenanza reguladora do servizo de intermediación laboral coa que estivo en contra. O BNG afirma que a falta de políticas de promoción do emprego motivaron que en catro anos a poboación descendeu en 232 persoas e o paro subiu un 15,26 %.

Ademais da reprobación do rexedor  e a concelleira, o BNG tamén demanda que se elabore o plan de emprego aprobado no 2015 e que se participe nos programas de cooperación en materia de talleres de emprego.

---

---

---