Os dous atacantes declinaron a oferta da directiva, que lles propuxo saír cedidos ao Atlético Ribeira durante o que resta de campaña
18 ene 2020 . Actualizado ás 05:00 h.Carlos Romero e Brais Neto causaron baixa do persoal do Abanqueiro, filial do Boiro. Os dous atacantes declinaron a oferta da directiva, que lles propuxo saír cedidos ao Atlético Ribeira durante o que resta de campaña.
O obxectivo era que cambiasen de aires, coñecedores do malestar de ambos os ao non formar parte das convocatorias do equipo de Preferente. Os directivos pretendían que seguisen vinculados ao club, antes de estudar a súa situación este verán e tratar de pórlle solución.
Os canteiráns de Vista Alegre preferiron a carta de liberdade. Entre os equipos que poderían estar interesados nos seus servizos atópanse, ademais do Ribeira, o Unión. O Puebla tamén podería ter posto o radar en Carlos, que viría reforzar a medular.