Aínda que o instituto armado mantén o mutismo, todo parece indicar que o condutor está xa identificado
19 novs 2019 . Actualizado ás 05:20 h.A Garda Civil de Boiro é a encargada de investigar o accidente que se produciu na tarde do domingo á altura de Palmeira cando un condutor encaixou o turismo que conducía contra unha varanda de ferro. Aínda que no instituto armado hai un mutismo absoluto sobre o suceso, todo fai indicar que o piloto do vehículo xa está identificado.
Os feitos ocorreron na tarde do domingo cando a Policía Local da Pobra foi alertada polo 112 de que un coche estaba a circular de forma temeraria pola estrada comarcal. Tratábase dun BMW con placas 3324-DSD que despois de despistar aos axentes chocou contra un peche de ferro, dándose á fuga a pé.
Ao parecer, a esa mesma hora no cuartel de Boiro o dono do turismo presentaba unha denuncia de que un coñecido colleulle o coche. A Garda Civil trataba onte de esclarecer os feitos.
