O Fulham londiniense estará no torneo solidario de Rianxo

Ribeira / a voz RIBEIRA / LA VOZ

OPA RACING

CARMELA QUEIJEIRO

O campionato tamén contará con algúns dos grandes nomes propios do fútbol base galego

16 novs 2018 . Actualizado ás 05:00 h.

O Fulham, o equipo profesional máis antigo de Londres, será o invitado de honra do primeiro torneo internacional e solidario do Concello de Rianxo. O traballo da organización, encabezada por Julio Mariño, permitiu que clubs como Deportivo, Celta , Porto, Ponferradina, Barakaldo, Sporting de Xixón ou Racing de Santander sumáronse a este torneo, que se celebrará os días 18 e 19 de maio do 2019 en Vilas.

O campionato tamén contará con algúns dos grandes nomes propios do fútbol base galego, tales como Pontevedra, Calasanz, Val Miñor, Montañeiros, Santa Mariña, Rápido de Bouzas, Lalín, Oroso, Racing de Ferrol, Santiago-Conxo e Porteiro 2.000.

Os promotores, que destacaron o apoio do Concello de Rianxo e do Unión, afirmaron que a presenza dos equipos da zona é crucial. É por iso que Sálvora, Ribeira, Taragoña, EFM Concello de Boiro, Crocha e Aguiño tamén participarán neste torneo, onde se medirá a clubs da elite.