Veloso se enfunda o xersei de primeiro líder da Volta a Portugal 2020 e Carlos Canle o da Mocidade
VILAGARCÍA DE AROUSA
O vilagarcián postúlase para conquistar a que sería a súa terceira vitoria da xeral da rolda lusa
27 sep 2020 . Actualizado ás 21:20 h.Desde o seu regreso ao ciclismo portugués no 2013, o nome de Gustavo César Veloso figurou en cada unha das quinielas previas das sucesivas edicións da Volta a Portugal. Este domingo, aos seus 40 anos, o Avó, como llo coñece no ciclismo galego e luso, postulouse outro ano máis como candidato a conquistar a que sería a súa terceira vitoria da xeral. Fíxoo enfundándose o xersei de líder provisional co mellor rexistro no prólogo en forma de contrarreloxo individual co que tradicionalmente arrinca a Grandíssima.
Veloso cubriu os 7 quilómetros en Fafe nun tempo de 9 minutos, 39 segundos e 51 centésimas, 1 segundo menos que Rafael Reis, do Feirense, e Daniel Mestre, compañeiro do vilagarcián no W52-F.C. Porto. Jóni Brandao (Efapel) e Joao Rodrigues (W52), segundo e vencedor na Volta a Portugal 2019 respectivamente con Veloso terceiro no caixón de podio, cederon 7 e 8 segundos fronte ao líder.
O de Vilagarcía declarou ás cámaras da RPT que o de hoxe foi un triunfo especial, por canto «esta é a miña undécima Volta e a miña undécima vitoria. Estou moi contento. Xa fixen segundo no prólogo outras tres veces —a primeira, no 2014 no mesmo escenario—; este ano estivo aí aí, e felizmente conseguín vencer». Veloso di que «me estou a sentir ben», pero «faltan etapas moi duras por disputar».
A súa non foi a única gran noticia para o ciclismo galego no prólogo de Fafe. O ourensán de 19 anos Carlos Canle (Burgos-BH) é o primeiro líder da Mocidade (Sub-23) coas súas 10.07 na crono. Álex Marque (Tavira) cedeu 21 segundos co líder, Delio Fernández (Nippo Delko Provence) 43 e Anxo Sánchez (Miranda-Mortágua) 1 minuto e 8 segundos.