Os fabulosos Cleaners levarán a súa particular arte ao Auditorio de Vilagarcía este sábado
12 dic 2018 . Actualizado ás 22:22 h.Sábado • 19 horas • Auditorio de Vilagarcía • A rapazada é a gran protagonista do programa cultural de decembro en Vilagarcía. O sábado chega ao auditorio «outro asombroso espectáculo no que burbullas de xabón de todos os tamaños, cores e formas posibles, e mesmo imposibles, flotarán polo recinto e farán voar o maxín dos espectadores». Tanta maxia é cousa de «Os fabulosos Cleaners», unha proposta que leva a firma da compaña Malasombra. Este espectáculo está pensado para ser gozado en familia. Foi creado por Luis Beviá, que percorreu medio mundo antes de tocar en Vilagarcía. «Os fabulosos Cleaners» xa estiveron en Londres, Hong-Kong, México, Colombia, Perú, Cuba, Grecia ou Islandia, entre outros lugares, sorprendendo a quen ocupan as butacas dos teatros e auditorios con burbullas misteriosas, coloridas, alucinantes. O prezo das entradas hase fixado en cinco euros para os maiores e idade; dous para os menores.