A asociación Esperanza Salnés inicia unha campaña de captación de socios colaboradores

A asociación de axuda a persoas con diversidade funcional Esperanza Salnés ofrece este venres (20 horas) unha charla na casa da cultura de Ribadumia para dar a coñecer o seu labor. Podería ser a primeira doutras charlas nas que, ademais de divulgar o seu traballo, ábrase unha plataforma para captar novos socios colaboradores. Nestes momentos ten uns 25, que reportan á asociación ao redor de 270 euros en concepto de donativos. É moi pouco diñeiro, pero toda axuda é boa cando se trata de sanear unhas contas en perpetuos números vermellos.

Esperanza Salnés carece de liñas de financiamento estables. A súa principal fonte de ingresos proveñen, vía subvención, da Xunta, a Deputación de Pontevedra e os concellos de Cambados, Sanxenxo, Ribadumia, Meaño e A Illa, municipios dos que proveñen os seus usuarios. E os seus principais donativos proceden de actividades benéficas que outros colectivos organizan para recadar fondos.

Esperanza Salnés atende actualmente a dezanove nenos e adolescentes, de entre catro e dezaseis anos, que pola mañá van ao colexio e pola tarde reciben distintas terapias nas dependencias situadas en Cambados.

---

---

---