Dous catoireses enfróntanse a catro anos de cárcere por traficar con MDMA

La Voz CATOIRA /LA VOZ

CATOIRA

CEDIDA

18 ene 2019 . Actualizado ás 05:05 h.

Dous veciños de Catoira, ambos os maiores de idade, enfróntanse a unha petición de catro anos de cárcere por un delito de tráfico de drogas, na modalidade de grave dano para as persoas. O seu caso verase nos próximos días na Audiencia de Pontevedra.

Segundo o relato de feitos, en casa dos dous homes que se sentarán no banco dos acusados acháronse, en setembro de 2016, un total de 12,8 gramos de MDMA e 5,5 gramos de metanfetamina. No mesmo domicilio atopáronse, ademais, 55,6 gramos de marihuana, cun valor no mercado ilícito de 288,22 euros. Por iso, o Fiscal pide para os acusados catro anos de prisión, e 6.000 euros de multa, cunha responsabilidade penal subsidiaria en caso de falta de pagamento dun máximo de dous meses, a razón dun día de cárcere por cada cen euros impagados.