Cambados homenaxeará a 15 mulleres de referencia na historia e o deporte locais polo 8M
CAMBADOS
O Concello non participará en actos presenciais pero si fará lectura de manifesto no salón de plenos, emitida por redes sociais
04 mares 2021 . Actualizado ás 18:45 h.O Concello de Cambados tampouco participará en ningunha mobilización presencial convocada con motivo del 8M, pero si conmemorará esta data mediante varias iniciativas, algunhas delas en colaboración con la Mancomunidade do Salnés. Non faltará a lectura do manifesto o propio día 8, luns ás 12 horas, no salón de plenos, ao que se invitará aos portavoces municipais e representantes do Centro de Información á Muller (CIM) do Salnés y emitirase en directo a través das redes sociais.
Ese día tamén terá lugar un foro virtual baixo o título «Móstrate Salnés-Asociacións de Mulleres» no que, de cinco a oito da tarde, farase unha posta en común sobre o traballo que fan as múltiples asociacións de mulleres que hai na bisbarra. As participantes contarán con información online e material descargable sobre as posibilidades das diversas asociacións nas que poden participar dentro da comarca.
Logo haberá outras actividades que se desenvolverán ao longo do mes, caso da campaña «Cambadesas con historia», que permitirá visibilizar a través de redes sociais a quince mulleres que xogaron un papel un relevante na vila, e o mesmo farase con quince mulleres que foron e son referente no deporte local baixo o título «Somos do teu equipo».
O persoal do Concello recibirá formación sobre linguaxe inclusiva e nos centros educativos do municipio —como noutros do ámbito territorial do CIM do Salnés— levarase a cabo outra campaña no mesmo eido, «para acadar competencias en materia de linguaxe inclusiva na vida cotiá».