Amencer amplía a catro semanas as Mañás de Verán para axudar a conciliar ás familias

A asociación xuvenil Amencer celebrará desde o 24 de xuño ata o 19 de xullo Mañás de Verán, que este ano chega á súa edición número 14. Por primeira vez, esta actividade celebrarase durante catro semanas, unha máis que o habitual, despois de que moitos pais o solicitasen para poder conciliar a vida familiar coa laboral. O xerente de Amencer, Xulio César Iglesias , explica que aínda que esta ampliación suporá un esforzo por parte da asociación, sobre todo dos voluntarios, farase un esforzo. As actividades están dirixidas a nenos de entre 3 e 14 anos e o horario das actividades será de 10.00 a 13.00 horas, con posibilidade de gardería, desde as 9.00 ás 10.00 horas e entre as 13.30 e as 15.00 horas. Está aberto o prazo de inscrición e as prazas son limitadas. O ano pasado participaron nesta iniciativa, previa ao Campamento Urbano, ao redor de 300 nenos da cidade. «Comezamos a actividade nada máis terminan o cole para que entretelos no seu tempo de ocio e así de paso axudar ás familias», sinala Xulio César Iglesias . Ademais, durante os meses de xuño e xullo os diferentes grupo que conforman a asociación xuvenil gozarán de campamentos segundo as idades. Viaxarán a Gandarío (A Coruña), A Rúa, Cambados e Foz, para compartir experiencias con outros grupos Don Bosco de Galicia e de Castela e León. O xerente de Amencer explica que non se trata só de entreter aos nenos senón de educalos en convivencia e sinala a importancia dos mozos voluntarios que sustentan estas actividades: «Estamos acostumados a escoitar que a xuventude non é solidaria. Hai outra mocidade que traballa para os demais».

---

---

---