Luis Aragunde sobre o peche de Esperanza: «Co PP non ocorrería, se estivese de alcalde caeríame a cara de vergonza»
AROUSA
O portavoz popular acusa á Deputación de falta de apoio a a asociación. «Se a esquerda non estivera gobernando, estaría promovendo unha concentración»
04 dic 2021 . Actualizado ás 14:04 h.«Co PP isto non ocorrería, se estivese eu de alcalde caeríame a cara de vergonza e non permitiría baixo ningún concepto que esta asociación tivese que pechar». Así de rotundo móstrase o portavoz do PP de Cambados, Luis Aragunde, á hora de referirse á disolución da asociación de axuda a menores con discapacidade Esperanza Salnés.
Na súa opinión, se a esquerda non estivese a gobernar no Concello «estaría promovendo unha concentración» responsabilizando á Administración polo peche da asociación. Fronte a iso, estando a Deputación de Pontevedra en mans do PSOE, Esperanza perdeu apoio económico nos últimos anos. «O PP presentou unha moción para que lle deran a subvención que lle quitaron a Esperanza e a esquerda votou en contra. Nin Carmela Silva [presidenta da Deputación] nin Fátima Abal [alcaldesa de Cambados] visitaron nunca a asociación, iso queda no seu currículo».
Luis Aragunde recoñece que nos últimos anos ha aumentado a asignación que a asociación recibía por parte do Concello —de 7.500 a 18.000 euros—, pero lamenta que non fose suficiente para cubrir o déficit provocado pola falta de apoio doutras administracións. «Ou que fan é tapar con recursos propios as vergonzas da Deputación».
Aragunde presume de que baixo os seus mandatos Esperanza Salnés obtiña maior financiamento público porque se xestionaban axudas ante a Deputación e a Xunta de Galicia, algo que non fixeron «vos », vagos dos cargos públicos que temos agora en Cambadosengade o portavoz popular. Neste contexto, Aragunde fai unha mención a Rafael Louzán, Alfonso Rueda e José Manuel Cores Tourís pola súa «implicación» con Esperanza Salnés.
Luis Aragunde refírese ao peche de Esperanza como unha «triste noticia» para Cambados e o resto da comarca, xa que supón que trece nenos e mozos perden a posibilidade de recibir terapias a prezos módicos. Un usuario que pagaba 135 euros por dúas sesións semanais terá que pagar agora, nun gabinete privado, 500 euros. A iso hai que sumar, que cinco persoas quedan sen emprego.
Sabela Fole, a número dous do PP cambadés, lamenta tamén este feito. «É unha mágoa deixa morrer un proxecto que tanto fixo por tantas familias polo desinterese das administracións».
