As vilagarciás superaron con claridade ao conxunto leonés
28 novs 2021 . Actualizado ás 05:00 h.Variou a disposición inicial do quinteto habitual Javier Nogueira, colocando a tres boas manejadoras de balón de saída ante un León ao que lle gusta incordiar a toda a pista, e a aposta saíulle ben ao Mariscos Antón Cortegada, que superou con solvencia ás leonesas para lograr unha vitoria que lle coloca na zona tranquila da clasificación. Gañou o Cortegada a lombos dunha Sara Gómez estelar e dunha Zeltia Presas que foi unha acompañante de luxo para martillear ao aro local. Entre ambas anotaron nove triplos en só quince intentos, e a elas uníronllas na festa arousá tanto Lorena Castro como Nuria Chorén, con dous máis cada unha.
Demasiada munición para un León que foi practicamente durante todo o encontro por detrás, pero ao que se lle apagou toda esperanza de vitoria mediado o terceiro cuarto. Aí, tres triplos practicamente consecutivos de Sara levaron a diferenza ata os 19 puntos (32-51) e de aí xa non se puido volver meter no encontro o cadro leonés, que xa nunca puido baixar da barreira psicolóxica dos dez puntos no último cuarto do encontro.
León: Martínez (5), Giganto, González (6), Díez (2) e Flórez (20) —equipo inicial—, Capelán (4), González (9), García (4) e Brandy.
Mariscos Antón Cortegada: Sara (25), Zeltia (16), Nuria (8), Sedlakova (6) e Wanyama (8) —equipo inicial—, Cris Loureiro e Lorena (6).
PARCIAIS CADA CUARTO: 13-16, 14-21 (27-37), 11-14 (38-51) E 12-18 (50-69)
ÁRBITROS: Francisco Rodríguez Pérez e Isidoro Sánchez Tardaguila. Sinalaron quince faltas ao León e doce ao Mariscos Antón Cortegada. Non houbo xogadoras eliminadas por persoais